Nenni þessu sko ekki lengur


www.123.is/majarut

takk blogger.

tíhíhí

Einhvernegin getur eitt leitt að öðru á skugganlegan hátt eins og sést hér. Ásthildur, þú veist hvað ég elska. Ég er að læra fyrir próf eins og sést....

Marja "Örfluga" Rut says:
vá geðveik djúpsjávarsjálfskoðun !

† Ásthildur says:
fáránlega djúp! en það var gaman að þessu upp að ákv. marki

Marja "Örfluga" Rut says:
trúi því

Marja "Örfluga" Rut says:
meina

Marja "Örfluga" Rut says:
alltaf gaman að skoða sjálfan sig

Marja "Örfluga" Rut says:
geri það alltaf á miðvikudgöum

† Ásthildur says:
svosem..

† Ásthildur says:
hahahaha

† Ásthildur says:
erfiður dagur framundan

Marja "Örfluga" Rut says:
jább

Marja "Örfluga" Rut says:
líka læra fyrir efn próf

Marja "Örfluga" Rut says:
veit ekki hvert ég mun fara í sjálfskoðuninni, kannkski enda ég í því að verða metangas og fljóta í burtu og læðast svo inn til þín og kúra hjá þér. Nema þá ða ég myndi líklega drepa þig

Marja "Örfluga" Rut says:
Tricky..


† Ásthildur says:
nei ég elska metangas

† Ásthildur says:
get ekki beðið

Marja "Örfluga" Rut says:
vei. Þá umbreyti ég mér í metangas og svo gösum við saman, eins og strumparnir, dönsum tryllta dansa

Marja "Örfluga" Rut says:
ooog borðum Pringles

Marja "Örfluga" Rut says:
því að það er gott

† Ásthildur says:
ég má vera æðstistrumpur

Marja "Örfluga" Rut says:
ég ætla að vera...

Marja "Örfluga" Rut says:
nördastrumpur

Marja "Örfluga" Rut says:
og þá má ég búa til bæjarskipulagið

† Ásthildur says:
égætla að vera helíum og æðstistrumpur.. ok má vera bæði?

† Ásthildur says:
hann er ekki til.. hættu að búa alltaf til

Marja "Örfluga" Rut says:
fjandinn já !

Marja "Örfluga" Rut says:
Má ég búa til í friði ? 8-

Marja "Örfluga" Rut says:
nördastrumparnir búa allt til

Marja "Örfluga" Rut says:
h0h0h0

† Ásthildur says:
helst ekki

Marja "Örfluga" Rut says:
það er í reglunum !

† Ásthildur says:
ojj hvað þú ert góð í að skemma leiki

Marja "Örfluga" Rut says:
hefuru LESIÐ reglunar?

Marja "Örfluga" Rut says:
nei..

† Ásthildur says:
ekki skrítið að þú eigir enga vini

Marja "Örfluga" Rut says:
þú ert ekki nördastrumpur

† Ásthildur says:
NEI það er það ekki

† Ásthildur says:
ekki þú heldur því hann er ekki til

Marja "Örfluga" Rut says:
víst

Marja "Örfluga" Rut says:
grein nr 12343.242134

Marja "Örfluga" Rut says:
þú ert bara helíumstrumpur

Marja "Örfluga" Rut says:
reyndu að lesa það

Marja "Örfluga" Rut says:
hahaha

Marja "Örfluga" Rut says:
farðu og fáðu þér meira helíum, helíumapi !

† Ásthildur says:
hahahaha helíumstrumpur

† Ásthildur says:
I feel so empty

Marja "Örfluga" Rut says:
´hahaha

J'aime la vie

Það er ekkert betra en að arka um miðbæ Reykjavíkur eftir erfiðan skóladag, gegnum þröng og undurfögur sund og stræti sem eiga sér líklega merkilega sögu, með skólatöskuna á bakinu, horfa á laufblöðin falla og nýjan lit spretta upp í umhverfinu. Hlusta á tónlistina úr bestu mynd í geimi – Amélie eftir Yann Tiersen á leiðinni, hlaupa um og sparka í laufblaða hrúgurnar sem hafa myndast hér og þar. Anda að sér fersku loftinu og taka eftir öllum þeim smáatriðum í umhverfinu sem að mynda eina stóra heild sem er óendalega fögur. Ahh ég er ástfangin af lífinu!

Shitt...

Vá hvað ég er róttæk núna í þessu bloggi hjá mér. Þetta er skuggalegt. Enda er skuggi minn einkar afar mjög fínn. Ég er að elska það að Morkinskinnan sé komin, fyrir þá sem ekki vita þá er það dagbókin okkar sem að skólafélagið gefur út. Ég er sérstaklega að elska partinn þar sem maður á að lýsa sér með því að filla inn í dálka. Mín lýsing er eftirfarandi (það sem er svert eru svör mín :

Ég heiti: María Rut og var fædd þann 17.maí 1989. Útlitslega séð er ég: ferköntuð og spröskjulaga. Það má eiginlega segja að ég líti út eins og trapísa en það er allt í lagi. Ég er í bekk sem gengur undir nafninu 4-X og hann er x-treme. Síminn hjá mér er 8669549 og það er bannað að hringja í mig nema á mánudögum. Þegar ég er ekki að læra þá á ég til að jórtra eða jafnvel ljóstillífa. Uppáhalds vinur minn er Gorgeir ding-dong. Ég elska að hnerra í laumi en viðurkenni það aldrei nema stundum í svona skóladagbókum. Ég myndi þrífast illa án sápu (Hohohooh) en ég gæti vel lifað án þakglugga. Mér finnst kör betra en fiskiflak. Sama hvað þið segið! Að lokum vil ég segja : Eigi skal með núlli deila.

Ég kann líka glímu á trampólíni...

og ég er geðveik á hlaupahjóli !

Haldiði að það sé einhver sem myndi neita mér ? Held ég sé óneitanleg.

Ahh íbizafjörður. hve ég sakna þín.

Haí þið! Vá, það er svo langt síðan ég bloggaði síðast að ég held að enginn skoði þetta ennþá? En núna kem ég tvíefld til baka eftir langa hálfpásu (hálfpása er eitthvað sem ég var að búa til, en er þannig að ég bloggaði bara svona stundum og eiginlega aldrei, og þá afar málefnalítil og leiðileg blogg, feis á ykkur) Ég held samt að ég sé komin til að vera núna, finnst ég föst í einhverjum fótsporum eða kannski bara bloggsporum núna. Héðan í frá heiti ég María “Ör(bloggari)fluga” Rut. Já það held ég nú !

En eins og sumir vita kannski þá faldi ég mig á Vestfjörðum, nánar tiltekið á Íbizafirði/Flat York City í sumar. Á virkum dögum naut ég ásta með fiskvinnslunni Kambi Ehf. Það var unaðslegt að horfa á eftir annaðhvort karinu sem hafði komið svo gruggugt og ógeðslegt til manns, hörfa á brott gljáandi fín, nánast eins og þegar það var getið af Karabúatilurunum og fætt í þennan svona líka fína fiskiheim, á leið eitthvert í vettvangsferð, óþreyjufullt af eftirvængingu að verða fyllt aftur af slori! Eða þá að sjá vini mína, fiskana – sem komu til mín, ný komnir úr uppskurði, og biðu eftir mér, Sprautuvélamasternum að rétta sig við og laga öll uppbrot. Jáhá það var mitt starf! Ég var að fíla’þa.

Ekki má gleyma að nefna það að þetta var besta sumar ævi minnar. Hver einasta helgi bókstaflega taumlaus gleði og hvert ævintýrið og upplifunin á fætur annari. Allt frá spánarferð til útileigu, til sveitaballa og kreisíass eftirútipartí með My Fellow Plan Man (Helgi Lind) á Flateyri, sem var eflaust það magnaðasta sem ég hef upplifað “Við getum veitt fisk, með gröfu og hamri” – taka til sín sem við eiga. En við spiluðum tónlist með náttúrunni. Ég sakna Íbizafjarðar og því sem fylgir (sem er nucleusinn í þessu öllu saman) En ég held samt ótrauð áfram, ég er of þrjósk til að beila. Sem er eins gott. Þannig séð. Samt er alveg mjög fínt að vera komin aftur, smá rútína og ótrúlega gaman að hitta félagana aftur.


Það var busadagur um daginn. Ég var tolleruð aftur. Er þá búið að de-busa mig og ég er orðin busi aftur? Maður spyr sig...
Ef það er ekki gott að lenda í óskunda. Er þá gott að lenda í Skunda? Ég elska allavega Emil og Skunda

Saltkjöt og baunir, túkall ! jeeee

Shitt!

Í nótt kom bakkus í heimsókn og ég pissaði næstum því á símann minn, sem lá á botni klósettsins. Vinkonur mínar komu mér til bjargar og ég kafaði ofaní klósettið til að endurheimta gersemina mína, sem ótrúlegt nokk er í lagi núna ! Langaði bara að deila þessu með ykkur.

Fiskinn miiinnn namminamminamm

Hér með vil ég einatt benda fólki á það, sem er svo sposkt og stundar það að benda mér á það að ég sé með eitthvað á milli tannanna, að þetta á að vera svona! Ég er afskaplega hagsýn manneskja og geymi leifar í tönnunum, ef svo skyldi ské að ég yrði hungruð, þá hef ég eitthvað á milli tannanna til að narta í. Svo hér með bið ég alla sér í lagi móður mína að skipta sér ekki af fjárhagsplotti mínu og óeðlilega gáfuplaninu mínu!

Veit ekki um titil....

Núna er ég búin að fara til Spánar og til baka og ég ætla bara að skella nokkrum áhugaverðum myndum inn hérna sem segja næstum allt það sem segja þarf :)

Svona sofnuðum við Herdís eina nóttina. Eftir of mikinn saumaskap.

Hálftíma síðar....

Up close and personal

Svona sofnuðum við einmitt einusinni líka eftir að við gáfumst upp á hitanum inní herbergi og of mikinn saumaskap.

Dísus kræst man

"Vá, er þetta ekki einhver ódýr fimmaur? Ég sit hérna á Flateyri heima hjá ömmu minni, lít ég ekki bara útum gluggann og það SNJÓAR ! Hélt það væri kominn 12 júní, og að ég væri að fara til Spánar eftir 5 daga. Ég er ekki sátt. "

Hef annars lesið það hvívetna að fólk "Væri sko til að hafa fæðst 06/06/06" held að þetta fólk þurfi að hugsa sinn gang aðeins betur og fara yfir óskir sínar. Eins og glettilega má sjá hér eða hvað þá hér. Þá er verið að vara mæður við að eignast börn á þessum degi - helst mælst með því að þau haldi sér inni, ýmsar leikfimiæfingar gefnar upp til upphitunar og hjálpfýsni til þess að halda barninu inni. Þessar mæður gætu miður alið börn djöfulsins. Enda er 06/06/06 tákn djöfulsins.

Reyndar merkilegt nokk er 07/07/07 tákn Guðs og "hið fullkomna" - enda er það þrítekin sjöa hvert skipti fyrir föður, son og heilagan anda. En 06/06/06 gæti þá verið tákn þess sem er óæðra en Guð sjálfur, þ.e djöfulsins.

Því held ég að þeir aðilljar sem óskuðu þess heitast að verða fædd eða fæða barn á þessum degi, ættu að ganga núna frá tölvunni, hugsa sinn gang, þessvegna panta hamborgara, fara inn á klósett og bíta í sápu eða eitthvað viturlegt. Guðlast kallast þetta. (Ég hljóma eins og mega trúuð manneskja) uuu... hrmpf !

Spáð hefur verið heimsendi og talnafræðingar og fræðimenn hafa setið sveittir í þönkum sínum í því skyni að ráða kóðann. Sumir halda því fram að úr tölunni 060606 sé hægt að ráða út einhver skilaboð eða nafn. En sitt sýnist hverjum?


Ætli tilvitnun mín hér að ofan, sé kannski tákn um heimsendi? Snjóar í júní? er það hvers dags hlutur? Hvað veit ég, ég sef á daginn! Vissi reyndar ekki af þessu með heimsendinn fyrr en áðan, en þá hefur þetta alltaf verið í öllum fréttum, en ég María Rut er venjulegast sofandi í fréttatímanum þannig að mér hefur ekki tekist að verða vitni að því. Takk Hildur kennd við Ást ! :*


Annars allt öðru ! Mega súrt djamm í gær á Flateyrinni. Byrjaði á Árshátíð Kambs þar sem ég var þjónn. Lærði fullt af nýjum pólskum orðum þar. Svo var skundað á ball með gleðisveitinni Apollo. Endaði á því að dansa mest megnis við bestu vinkonur mömmu minnar, frænku mína og frænda, fyrrverandi barnapíur, fyrrverandi kennara og pólverja. En þó merkilega skemmtilegt dansiball indeed !

Fokk, ætla út að moka snjó svo við komumst út !

Minn kæri Þórbergur, hve heitt ég sakna þín !

Í ljósi gamalla og góðra tíma hérna á Íbizafirði ætla ég að rifja upp góðar minningar um Þórberg Nörd.

Skondinn misskilningur :

"Maja saug inn og út, og kvaðst vera totta Loft. Brandarinn lá í því að hún væri að totta mann sem héti Loftur, en í raun og veru var þetta hreint andrúmsloft. Margrét og María hlógu dátt í þó nokkra stund, þar til að María ætlaði að vera mjög vitsmunanleg og skjóta inn einu nördacommenti og segjast vera að totta H2O, en eftir mikinn fagnaðarlát vegna þessarar merku uppgötunnar, uppgötvaði María á hinn bóginn að H2O ku vera efnaformúla fyrir vatn en ekki andrúmsloft. Við eigum hinsvegar eftir að kynna okkur þá formúlu betur svo þetta muni ekki gerast aftur. En samt skemmtileg reynsla og þetta kætti okkur til muna. "

- Þetta var fyrsta bloggið okkar möggu


Færeyskur herramaður að gefa María og Margréti undir fótinn ánægðar eður ei? :

"Þannig er málið með vexti að við hnátur ákvaðum að klæða okkur upp í okkar fínasta, eyða fimm aurum í hár og andlitssnyrtingu og og halda á flatbökustaðinn í kaupstað þessum í miðbæ ísafjarðar.
Við sátumst niður við einstaklingsborð eins og okkur best sæmir, tókum með okkur góða bók og biðum eftir a veitingaþjóninn kom með slátur og blóðmör fyrir okkur að snæða.
María hrópaði af fögnuði þegar þessi hýri veitingaþjónn kom með máltíðina. Margrét var sokkin ofan í bókina þegar að máltíðin loks kom en þær tóku að snæða með bestu lyst Þessar tvær alsaklausu stúlkur sátu í makindum sínum við átið er ekki svo ungur herramaður hóf að ganga í áttina til þeirra. Þær riðuðu í hnjnánum og hjartað tók kipp! vill einhver okkur! Þessi fagri maður var með skeggrót sæmilega og var færeyskur að uppruna eins og hann tilkynnti okkur á móðurmáli sínu sem við auðvitað skildum eftir mörg kvöld af orðabókalestrakvöldum. Var maðurinn drukkinn nokk og á fimmtugs eða sextugsaldri gætum við best trúað. Hann hóf samræður miklar um hve líkar við værum og bar þá spuringu að borði hvort við værum sammæðra.. við svöruðum neitandi og ætluðum að halda áfram að snæða, þegar maðurinn kom aftur og hélt þá áfram að ræða við okkur. Þá kom ungur herramaður, og eins og riddara sæmir, tók drukkna myndarlega manninn í burt frá okkur. Líf okkar varð tómlegt án hans. Hvert var hann að fara?! aftur til færeyja?.. NEI.. við sem héldum við hefðum eignast vin.. svo fór ekki... ekki frekar en vanalega , en tilhvers þurfum við fleiri vini þegar við höfum gáfur hvor annarra til þess að ræða um.
Má búast við myndum af vísindalegri tilraunm bráðlega.
-lífið er hverfult."

- Þetta var bloggað eftir að við áttum dýrindismáltíð á Pizza 67 heitnum.



Karlmannsmálin hjá okkur eðalkvennmönnunum! :

"Jæja..nú er komið að þeim tímamótun í lífi okkar Maríu að Við þurfum að fara að hugsa um karlmannsmálin..Það var nú það að ég fór að leggja haus minn í bleyti eftir atvikið með færeyska herramanninn. Fyrst að menn eru nú farnir að gefa okkur undir fótinn verð ég að taka tillit til þess, að kjötmeiri og meir aðlaðandi bitar gætu veitt okkur umtalsverða athygli.
Eitt gott dæmi um það var þegar að ég var á gangi í miðbæ ísafjarðar og hafði gengið allaleið frá heimili mínu í djúpinu. Við María vorum á gangi, búnar að klæða okkur uppí okkar fínasta skart en í gönguskóm við svo gangan myndi ekki fara í okkur. Þegar að tveir ungir herramenn kölluðu í átt til okkar. Að við værum með ummálsmikinn afturenda.. eða eins og þeir orðuðu það " feit og stór rassgöt" ég vil halda að afturendi minn hafi verið í sínu besta ljósi þar sem ég var í flauelisgalla mínum sem hún amma mín heitin átti og notaði að kappi þegar hún var í blóma lífsins. En allavega. Við reyndum að hæla þeim á móti en gekk það ekki ýkja vel. Ég kom með eftirfarandi setningu sem ég hafði sé á veraldarvefnum hjá henni Þórstínu frænku minni: Seytján vetra ekki satt? Lendamikill og víður grindarbotn. Ágætis eintak til undaneldis. Hver á þig?Þeir tóku ekki ýkja vel í þetta og hef ég ákveðið að gerast einbúi og leggja alla von um samlíf uppá bátinn.
Takk fyrir álestnina"


Við áttum okkar góðu stundir, það má með sanni segja !


Þórbergur mun lifa að eilífu !


www.blog.central.is/thorbergur_nord

Sweet child of mine

Líttla hnátan (ég) hóf glæsilegan skólaferil sinn í hinum háttvirta leikskóla Brynjubæ heitnum. Þar átti hún margar góðar og einatt ljúfar minningar. Þar lærði hún hina ýmsu grundvallarþætti sem koma að háttum samfélagsins svo sem; framboð og eftirspurn, sveiflur verðbólgunar, kvótakerfið, línuíviljun, hinn ótrúlega heim guðana og svo margt margt fleira sem ekki verður talið upp hér. Einnig uppgötvaði hún listina að lifa; tantraði afar mikið ásamt hinum krökkunum, lærði jóga, stundaði magadans og málaði hin ýmsustu fögru málverk. Hún átti fullkomið líf. Það var aðeins einn hængur á ! Það voru nefnilega staðsett á þessum indæla stað tvö klósett. Eitt svona af venjulegri stærð og hitt alveg frekar í minni kantinum. Aldrei fékk hún að prufa minna klósettið. Hún var ekki nógu verðmæt fyrir stóra klósettið. Bara krakkarnir í stóru deildinni fengu einkanot á það. Littla hnátan (ég) var afskaplega reið og afbrýðisöm og skildi ekki þessa mismunum sem átti sér stað! Ég var afar stórvaxið barn! Hví átti ég ekki rétt á sömu réttindum og krakkarnir í "minni" kantinum í stóru deildinni? En svo kom á daginn. Ég man, þetta var yndislegur dagur, sólin skein (annað en núna hrmpf) og fuglarnir sungu hátt og leikandi hið skemmtilega lag "Í leikskóla er gaman" ég tók undir og allt varð þetta að einkar áhugaverðu en þó stórskrýtnu tónlistarmyndbandi. Ég var aðalhetjan, Rambó og söng lagið hástöfum.

Þetta var sumsé dagurinn þar sem ég fekk að fara á stóra klósettið. (Reyndar vegna stíflu í hinu minna, en það er aukaatriði) .. Ég var stór ! Ég var Hulk! Eða nei hann var grænn... hmm... ég var Pabbi minn !!

p.s ég missti líka fyrstu tönnina mína í brynjubæ !















Þetta er bær kenndur við Brynju...

hlátrasköll

"Lögregla leysti upp ungmennasamkvæmi í Hvalfirði

Mikill erill var hjá lögreglunni í Reykjavík í nótt. Um klukkan þrjú barst tilkynning um eftirlitslaust unglingasamkvæmi í leiguhúsnæði Hvalfirði. Þegar lögreglumenn komu á staðinn reyndust um 80 ungmenni á aldrinum 16 til 18 ára vera á staðnum og voru þau flest undir áhrifum áfengis. Þá var umgengni á staðnum afar slæm.
Enginn umsjónarmaður var með ungmennunum í för en þó var ferðin farin á vegum framhaldsskóla í borginni. Rútur voru fengnar til að aka unglingunum heim."
(af mbl.is)

hahahahahahahahahahahahaha

ahh

Ég svíf um á bleiku, mjúku risastóru hamingjuskýi sem flýgur yfir hamingjuland og á heima í hamingjuborg.

-Ég er búin með prófin !

Svefn er fyrir hina veikburðu

Ég veit ekki lengur hvernig það er að vera ekki þreytt og fersk. Ég hef ekkert tímaskyn, né veit aldrei hvaða vikudagur er. Ég lifi eftir prófatöflunni. Skyndilega er klukkan orðin 7 um morguninn og ég búin að lesa endlaust lengi, ómerkilegar danskar bókmenntir. Ég ákveð því að leggja mig í einn og hálfan klukkutíma og halda svo ótrauð áfram. Þegar ég hef eigi fengið mikinn nætursvefn þá get ég heldur ekki sofið á daginn þannig að þetta er einn stór vítahringur. Ég reyndi að sofna í dag, gerði amk heiðalega tilraun en það tókst ekki.

Ég hef í staðinn horft á þetta hérna svona hundrað sinnum í kvöld og einnig rakst ég á þetta hérna að mér skuli hafa fundist þetta æðra öllu !

En er ég sú eina sem að elskaði þennan gutta. Fann reyndar ekki uppáhalds myndbandið mitt þar sem jólin eru, man að ég horfði á þetta oft og títt.

Mér til mikillar undrunar ætla ég að reyna að fara snemma að sofa, klukkan er 4 og það er samt orðið bjart, reyndar er alltaf bjart núna. Finnst það frábært!

Búin með 7 próf 3 eftir ójá.

Bavíani !

Svona til að fagna söguprófslokum kemur eftirfarandi eftirþanki :


,,Stærsta einingin var hersveit (legio), sem lengst af samanstóð af um 4200 fótgönguliðum og 300 riddurum. Sveitinni var síðan skipt niður í misstórar herdeildir. Hverri deild fylgdi lúðraþeytari og merkisberi, en deildarmerkið var hverri deild heilagt. Lögðu menn allt í sölurnar til þess að merkisstengur féllu ekki í hendur fjandmanna og eru til sögur herforingja sem létu þeyta þeim inn í fylkingar óvina til að eggja hermenn sína til framsóknar”

Minn þenkjandi hugur ómar um að hlátri við tilhugsununina af mæðrunum sem kveðja syni sína, hermennina, er þeir ganga á vit örlagana. Í óvissu um hvort þeir munu liggja í valnum innan nokkura missera eða hvort þeir muni sigra fyrir hönd þjóðar sinnar og fella stolt tár af þjóðarkvarmi, sem rennur saman í brunn þjóðarinnar.

Ímyndiði ykkur fyrir mig, stolta... lúðraþeytarann sem gengur frá bæjardyrum, með lúðurinn í vinstri og samloku, smurða af mömmu í hægri. Stoltur gengur hann með öllum riddurunum og fótgönguliðunum og blæs úr sér líftóruna!

Ímyndiði ykkur svo fyrir mig, stolta .... merkisberann sem gengur frá bæjardyrum með deildarmerkið undurfagra, sem móðir hans er nýbúin að strauja undir arminum. Hann veit að hann er í þann mund að fara að sigra heiminn. Sem merkisberi.

h0h0h0

Matseld Maju

Uppskrift af djamm helgi dauðans !

~ 10 tsk bók af um Rómarveldi og Miðaldir
~ 10 dósir af magic
~ 4 stílabækur
~ smá vatn
~ teskeið af kanil
~ 5cm langir baugar
~ smá af Architecture in Helsinki
~ Fullt af súkkulaði

Svo er þetta látið malla í ofni í um 45 mínútur uns það byrjar að krauma í heilabúinu áður en þessu er öllu hellt saman í skál og hrært með smá þreytu og pirringi...

Það er partý hjá mér og ÞÉR er boðið !

Bon apetite

Haí, ég heiti Maja og ég er tölugildi

Bjóst aldrei við því að segja þetta en ég læt það flakka...

Ég heiti Maja og ég er þrengt tölugildi : x-1<1 = -1 < x-1 < 1 ...


17< Maí ...= ...Maja < 17 < 17. < Maí ..skiljiði? Sá sem fattar fær túkall vei vei !



e.s

Til hamingju með ammælið Dabbi Beck, mí lovs jú longtæm ! Tíhí

e.e.s Gleðilegan Maí..

Let the sunshine in !

Sá eina littla býflugu í dag er ég var á leiðinni á Austurvöll með Kalla og Kristjáni. Er komið sumar ?

Enginn sykur, engin takmörk !

Æ mig auma ! Sat áðan er ég borðaði 1944 réttinn minn góða sem ég matreiddi svo snilldarlega og horfði á Smash Hits sem er tónlistastöð. Þar var verið að sýna "20 worst songs of 1999" Það var komið að lagi nr 5 þegar að ég kom og listinn var svona

5. Geri Halliwell - Look at me
4. Vengaboys - boom boom boom boom (i want you in my room)
3. Ann Lee- Two Times
2. Man ekki - Better of alone
1. Man ekki - Hey Mickey

Frekar neyðalegt en árið 1999 voru þetta einmitt uppáhalds lögin mín, tónlistarsmekkurinn minn var greinielga ekki betri en þetta.

En þetta hefur sem betur fer breyst eilítið. Núna er ég kúl, eða lúði? Kannski bara kúl lúði !

(-jnz-)

Vá ég er búin að vera svo slöpp með þetta blogg núna uppá síðkastið. En nú munu róttækar breytingar ganga í garð, breytingar sem þið hafið aldrei upplifað áður, breytingar sem þið dreymduð aldrei um að þið myndum einhverníman upplifa, breytingar sem að heimurinn mun standa hjá og horfa uppá með gapandi munni, augum og nefi. Breytingar sem að enginn mun trúa að eiga sér stað, breytingar sem ekki einusinni frelsarinn sjálfur getur atorkað. Breytingar sem að þið kæruið vinir eruð í þann mund að veraða vitni að. Jájá ok ég skal fara að blogga oftar...

Ég er með verstu sektarkennd í heimi. Hef ekkert lært allt páskafríið. Ég sem ætlaði að vera svo róttæk og dugleg, ekki það að ég hafi ekki skemmt mér konunglega á Íbizafirði sem eru reyndar orsök þess hversvegna ég hef ekki lært. Jú ég skundaði reyndar í eymd minni heim til ömmu og afa og lærði heilar 5 sannanir sem eru jú reyndar 1/8 af því sem ég þarf að kunna fyrir prófið. Ekki bætir það úr skák að þegar ég vaknaði núna í dag klukkan að verða 16:00 og hringi spök í Jónas:

Ég: Hæ Jónas kútur, hvað segiru gott? Hvað ertu að gera?
Jónas: Uhh ég er að læra...
Ég: Dóh

Svo gerist ég róttæk og hringi í Dagnýju vinkonu:

Ég: Hæ Dagný mín, hvað segiru gott? Hvað ertu að bardúsa?
Dagný: Uhh ég er að læra....
Ég: (í örvæntingu minni) jáa.. læra segiru.. sniðugt? Hvað ertu að læra? (deyja úr sektarkennd)
Dagný: Félagsfræði, þú veist það er stúdentspróf eftir viku ?
Ég: Dóh, já ég ætla að fara að læra þá bara líka (í sorgmæddum tón)

Þá hleyp ég upp, frelsuð af sektarkenndinni, lít í hringum mig, en finn hvergi félagsfræðibókina mína sem min minnir að ég hafi ekki opnað í allan vetur. Mentaðurinn algjörlega í hámarki hjá mér. En uppgötva ég þá ekki bara að ég gleymdi henni líklegast fyrir vestan!

Setkarkendin komin í hæðir sem enginn hefur upplifað áður !

e.s takk Íbizafjörður fyrir geðveika páska (er enn í afneitun)

Insomnia

Ég svaf afar takmarkað seinustu nótt. Er búin að strögglast við það í allan dag að halda mér vakandi svo ég myndi nú ekki rústa öllu "kerfinu" mínu og þá hlaut að fylgja með ákveðinn galsi og ruglumsullumháttur Maríu:

Ég og Illugi sátum í sófanum heima að horfa á Family Guy og borða kvöldmat (svona er þetta þegar Binna er ekki heima ástand? ) En það var verið að gera grín að einhverju svona guðtengdu og kristilegu og þá spurði ég;

Maja: Er þetta ekki Guðspjall?
Illugi, lítur á mig sposkur og segir; ha? hvað meinaru?
Maja, ákveðin: já túlkast þetta ekki sem Guðspjall?? Mér þykir þetta ekki við hæfi.
Illgui, afar ringlaður: María Rut, hvað ertu að meina? Guðspjall?
Maja, ekki að kveikja á perunni: jáá Illugi Guðspjall!! veistu ekki hvað það er??
Illugi: Jú auðvitað veit ég hvað það er, en hvernig tengist það þessu?
Maja, pirruð: ohh skiptir ekki máli.
Maja: já djók ég var að meina Guðlast og við skelli skellihlógum.

Mæli ekki með því að sofa í minna en 2 tíma á einni nóttu þá lendiði í svona rugli eins og ég, heilinn minn starfar amk afar hægt þessa stundina og ætla ég því að skunda í bólið.

Dagurinn í dag virtist í upphafi ætla að vera eins og hver annar dagur. Vaknaði á allra síðustu stundu - eins og vanalega, stökk upp um 07:55 og skundaði í skólann. Stundum þakka ég guði fyrir það að búa nálægt skólanum. En er ég geng út mætir mér sami stöðumælavörður og vanalega sem var í þann mund að hrella einhvern óheppinn ökumann. Ég gekk áleiðis niður Fishersundið og þar sá ég iðnaðarmennina sem ég sé á hverjum degi. Hélt áfram yfir Ingólfstorgið og sá þar rónann sem ég sé þar á hverjum degi, gekk svo yfir áleiðis að Alþingishúsinu, fór yfir götuljósin á Lækjagötunni og mætti þar konunni sem ég mæti á hverjum degi á þessum tíma, hlustaði á sömu tónlist í I-podnum og venjulega og var jafn sein og vanalega en þó mæti ég ávalt á réttum tíma þó tæpara gæti það ekki verið, ávalt jafn úldin og forkunnarfögur eins og mér einni er líkt! Geng inní Cösu Nova, lít vonmikil á einkar fína flatskjáinn til þess að athuga forföll kennara og geng svo í tíma. þar sest ég á sama borð og venjulega við hliðiná Dagnýju og býð góðan daginn, alveg handviss um að þessi dagur verði eins og allir hinir - ekki það að ég kvarti yfir þeim. Svo reyni ég að halda mér vakandi í gegnum afar áhugaverðan jarðfræðitíma hjá herra Guðbjarti og svona gengur það. Þangað til að mér verður litið á bekkjarfélaga og góðvin minn, ég riðaði öll, kiknaði í hnjánum, nuddaði stýrurnar enn einusinni úr augunum til að vera alveg handviss um að það sem ég var í þann mund að verða vitni að væri ekki eintóm svefnleysisímyndun í mér! Þetta var blákaldur raunveruleikinn. Karl Dietrich Roth var í skóm og það Converse skóm! Þannig er mál með vexti að hann er ætíð á tánum í sandölum og það er sko hans ,,Þeing".

Tíkarárshátíð á morgun.. taumlaus gleði og kjóllinn fundinn újé !



Mér skilst að Jónas Margeir Ingólfsson hafi hlotið verðlaunin "nágranni ársins". Þau verðlaun hljóta þeir aðilar sem sýna yfirburði í að vera nágrannar... Ég er svo heppin að vera nágranni hans og lofa öllu fyrir á hverjum degi!

Draumur um veruleika?

Fyrir ekki svo löngu dreymdi mig draum um það að ég hafði stofnað Píanóleikarafélag Ísafjarðar. Hló ég svo dátt af því að skammstöfunin á félaginu væri þá að sjálfsögðu PÍ eða kannski þá 3,141592654 ... Ég er alltof einhæf. Ég hef náð botninum - ég er nörd!

Óreiða...

Ég er loksins flutt: eftir óþreyjufulla bið! Bý ekki lengur bakvið stofuborðið á dýnu inní 50 fm íbúðinni okkar heldur í herbergi, með rúmi og dótinu mínu. Binna frænka heldur því samt fram að ég muni skríða niður og undir stofuborðið þegar mig dreymir illa, sælla góðra minninga. Er ég svona galin ?

Úganda - the place to be

Candidate (Party) Number of Votes % of Votes

Yoweri Kaguta Museveni (NRM) 4,078,911 59.28%

Kizza Besigye (FDC) 2,570,603 37.36%

John Ssebaana Kizito (DP) 108,951 1,58%

Abed Bwanika 65,345 0,95%

Miria Obote (UPC) 56,674 0,83%


Yoweri Museveni vann sem betur fer, en kosningar voru kunngjörðar í gærkvöldi. Fyrir þá sem ekki vita þá er Yoweri Museveni forseti í Úganda og hefur verið við völd síðan árið 1986 og hefur staðið sig með prýði. Tala menntamanna hefur tvöfaldast og á sama tíma tala alnæmissmita lækkað gríðarlega eftir herferð sem hann stóð fyrir gegn alnæmi. Vísitalan hefur lækkað um 20% síðan að hann tók við völdum og því grundvöllur að bættum efnahag. Að mínu mati var helsti mótframbjóðandinn ekki sniðugur, hann heitir Kizza Besigye og er menntaður læknir. Hann er búinn að sitja í fangelsi í dálangan tíma fyrir nauðgun og eitthvað fleira smekklegt. Úganda er bara þannig land að það má ekki við neinum breytingum, það er ennþá á frumstigi og mun bæta sig vonandi meira í framtíðinni enda er Úganda landið sem ég elska mest og best. Mamma og Pabbi voru samt búin að byrgja sig upp af matvælum, vatni og olíu ef uppreisnir skyldu brjótast upp, en það virðist vera allt í góðu lagi. Ég vona bara innilega að landið mitt haldi áfram að þróast í rétta átt og fái að blómgast sem best og mest.

Damanileza

Ó.. Var Valentínusardagur í dag? Svona er maður gasalega rómantískur.........

Þenkjandi unglingnur í tilvistakreppu...

Ég ætla bara að vera frökk og segja það hreint út; Ég kann ekki að flauta! Þar að leiðandi tapa ég alltaf í spilaleiknum ,,Hæ gosi" sökum þess að þegar að maður fær eitthvað ákveðið spil á maður að flauta eins og líf manns væri að leysa. En hjá mér kemur ávallt eitthvað tilgerðarlegt ískur sem reynist vera miður líkt flauti óveruleikafirrtra einstaklinga sem geta þanið tunguna og flautað. Ég hef verið í þungum þönkum yfir þessu undanfarið og hef verið að æfa mig þegar að ég er ein heima og enginn sér mig. En alltaf kemur þetta tilgerðarlega ískur sem að minnir einna helst á breimandi læðu og eigi vil ég líkjast breimandi læðu eða hvað ? En ég mun halda ótrauð áfram og ég mun berjast gegn vangefni minni! Ég mun læra að flauta fyrr eða síðar.


Eitt annað sem hefur ferðast um huga minn í þónokkurn tíma það eru íslensk barnalög:

Byrjum á fyrsta erindinu:
Ein ég sit og saumaInní littlu húsiEnginn kemur að sjá migNema littla músim

Okei, um hvaða ótrúlega sorglega einstakling er hér verið að syngja um? Þetta er ekki beint upplífgandi fyrir blómstrandi börn eða hvað ? Svo kemur hinn parturinn sem að ég botna ekkert í ef fyrra erindið er tekið til greina :

Hoppaðu upp
og lokaðu augunum
bentu í austur, bentu í vestur
bentu á þann sem að þér þykir bestur !

Þarna er sumsé manneskjan sem að sungið var um að ofan orðin eitthvað vangefin því að hún hoppar alltíeinu upp, lokar augunum, bendir og svo á þann sem að henni þykir bestur. En hvaðan kom allt í einu þessi brjálaða gleði? Enda var ekki bara músin sem að heimsótti hana þannig að það er ekki um margt að velja í ábendingum hennar eða hvað ?

Endilega hjálpið mér að botna eitthvað í þessu blessaða lagi...

.... Átti einkar skemmtilegar samræður við Lalla Johns áðan :

Kemur stormandi að mér á Fjólugötunni......

Lalli, rámur : ,,hey skvísa, áttu eld? "

Ég, sposk : ,,Nei því miður"

Lalli, sorgmæddur : ,,nújæjja, góða helgi" (brosir og veifar)

Ég, áttavilt : Jáaa... sömuleiðis !

Skemmtilegt þetta líf í borginni, veit aldrei hvað maður lendir í !

Hnerr

Vestfirðirnir fóru alveg með mig. Ég kem til baka til Reykjavíkur og greinilega vel merkt með kvef, hálsbólgu og hausverk. Ekki hefur það skánað síðan þá. Fór samt í skólan í dag, en hugurinn var eigi með í för. Svo ligg ég hérna á dýnunni minni núna með tárin í augunum því ég get ekki hnerrað ! Svo rétt í þessu flaug fluga ein og spök framhjá mér, fyrst fór um mig uggur þar sem ég hélt ég væri stödd í Úganda á ný því mér fannst þetta vera moskító fluga. En svo hugsaði ég dæmið til enda og auðvitað var það ekki raunin, nema þá að ég hafi flutt hana með mér er ég kom á Frón í byrjun janúar. Það væri svæsið ef ég hefði flutt inn moskítófluguna sem hefði svo aðlagast loftslaginu og tekið öll völd í flugnaheiminum. Vandamálið yrði þá líklegast bara það hvernig hún myndi fjölga sér, nema þá að það yrði með knappskoti eða einhverju öðru eins afbrigðilegu ! Jæjja alltaf tekst mér að bulla um allan andskotan, en svona er þetta þegar maður er veikur, sér ofsjónir samaber moskítóflugur og fleira.

Ætla að reyna að sofna... jeeee...

p.s held ég sé alveg að fara að hnerra.... jeeeeee.....

Vá...

Einusinni var maður ótrúlega kúl, en þessi mynd er einmitt tekin þegar að ég hélt því einatt fram að ég væri strákur og stundaði frjálsar íþróttir. Þetta ku vera tekið í Súgandafirði, heimabær Eyrúnar merkilegt nokk og þarna erum ég, Margrét Alda, Helgi, Víðir og Kristrún Una í miklu keppniskapi.

Lampaglott

Dagurinn í dag var afar merkilegur því að þetta var dagurinn sem ég og Dagný löbbuðum áfurábak allan daginn fyrir Pakistan! Ég datt einnig fyrir Pakistan en það er annað mál.

Sálarlausir?

Talaði við fósturmóður mína áðan og sagði hún mér frá því að DV hafði einusinni hringt í hana og boðið henni ókeypis áskrift, hún afþakkaði með hörðum orðum og sagðist geta keypt sér betri klósettpappír útí búð. Sem er alveg satt, DV er ekki einsuinni nógu mikið sorprit til að standast undir kröfum klósettpappírs ! Langar að skrifa aðeins um þessa leiðinlegu atburði sem hafa átt sér stað í íslenskum fjölmiðlum. Í gærmorgun sat ég í 10/11 og sá forsíðu blaðsins og mér hreinlega blöskraði, ekki bara vegna ósiðmennskunnar heldur einnig sökum þess að þetta var á Ísafirði heimabæ mínum. Las greinina og ætlaði ekki að trúa þessu en ég hef ávalt varað mig á því að trúa því sem að er prenta á þetta ,,blað". Svo seinna um daginn kom Binna frænka heim og kom með þær fregnir að maðurinn hafði fyrirfarið sér í dag, þá átti ég ekki orð.
Að mínu mati eru DV hreint og beint út ekkert minni morðingjar en þeir sem að sitja inni og afplána dóm sinn! Þó svo að maðurinn hafi verið sekur eða saklaus þá er ákveðin regla sem að segir að allir eru saklausir uns sekt er sönnuð, málið var að byrjunarstigi og DV hefur engann veginn þann rétt að koma og skipa sig í eitthvað dómarasæti og dæma í þessu máli, þar sem að þeirra úrskurður var mjög greinilegur!
Látum frekar íslenska dómstóla um það, enda er það þeirra vinna. DV drap ekki aðeins mannorð mannsins heldur einnig manninn sjálfan er þá ekki komið nóg? Ég spyr; ætla ritstjórar blaðsins að senda inn blóm í útför hins látna ?
Ég segi einfaldlega hingað og ekki lengra, það verður að bæla þetta blað niður ! Þess vegna skora ég á alla þá sem að nú þegar hafa ekki skrifað undir þetta að skrifa undir, eitthvað róttækt verður að gerast því að ég vil ekki lifa í svona þjóðfelagi. www.deiglan.com/askorun

Ég og Dagný erum svalar.....

Kennslustund í tímastyttingu

Hef ég hér með ákveðið að blogga og að því tilefni mun ég gefa sjálfri mér klapp á bakið *klapp* ... Er komin heim í rigninguna/slydduna/snjókomuna, ferðin heim er reyndar alveg skemmtileg saga útaf fyrir sig þar sem að ég álpaðist ávalt til þess að kynnast einhverjum þarna þannig að ég var aldrei ein, fyrst kynntist ég Dana og ég var samferða honum til Nairobi og við vorum að fara í flug á sama tíma þannig að við sátum og drukkum kók þangað til að flugin okkar færu eftir 3 klukkutíma, svo á leiðinni til London sat ég við hliðiná systkinum sem að voru í heimavistaskóla í Englandi en voru frá Kenya, svo eftir 8 og hálfan tíma lennti ég á Heathrow klukkan 6 um morguninn og við tók 7 klukkutíma löng bið þar sem að meðal annars ágætur róni kom og reyndi við mig og ég keypti sokka fyrir i-podinn minn, svo þegar að ég var búin að arka þarna um í dágóða stund og orðin svolítið eirðarlaus settist ég niður þar sem að risastóri flatskjárinn er og horfði á Simpsons og flr ekki amarlegt það. Var ég ekki búin að sitja þarna í 3 klukkutíma og tveir strákar við hliðiná mér þegar að ég ákvað að bjalla aðeins í hana Dagnýju mína til að eyða aðeins tímanum og talaði þá að sjálfsögðu íslensku. Stóð svo upp til að athuga hvort að væri búið að tilkynna hvaða hlið ég ætti að fara í gegnum, settist svo niður og þá leit strákurinn á mig og fór að tala við mig, ég skildi hann bara alls ekki og skildi ekkert í þessu því að hann starði á mig og svo sagði hann ,,hvað tala ég svona lélega íslensku eða?" ég náttúrlega bjóst ekkert við því að þetta væru tveir íslendingar, þó svo að ég hafði haft sterkan grun um að þeir væru skandínavískir en við spjölluðum svo það sem að eftir var og mikið er þetta lítill heimur því að þeir voru einmitt í sömu flugvél og ég frá Nariobi. En svona á að gera þetta þegar að maður ferðast einn bara tala við eitthvað fólk og þá líður tíminn miklu hraðar...