.... En ég ákvað að snúa aftur. Áttaði mig á því að hér á ég heima. Hér átti ég góðar stundir og seinast þegar ég skildi við þetta blogg var ég sautján ára, ráðvilt ung kona að hefja mitt annað ár í MR og ætlaði að sigra heiminn þar já og annarsstaðar. Úff það er langt síðan og lífið var mun auðveldara þá eða þannig séð. Í dag er ég að verða nítján vetra innan skamms, í sambúð og búin að geta af mér ávöxt lenda minna - Þorgeir Atla. Újé. Geri aðrir betur. Og já ég gleymdi - ég er föst á Ísafirði. (Eða þúveist kannski ekki alveg föst, en ég sumsé kláraði ekki MR, viltist á Ísafjörð, fór á fast, ætlaði aftur í MR, áttaði mig á því að ég væri ekki ein og þá komin 5 mánuði á leið - (ég er ekki jafn ljóshærð og það virðist vera) og ákvað þá að það væri bara best að klára skólann í MÍ. ) Þannig að ég vil meina að ég sé fórnarlamb örlagana enda er ég örfluga !
Ég mun blogga nánar og oftar um þetta allt síðar - þetta var svona inngangurinn hjá mér.
Annars er ég að fara að skíta á mig í frönskuprófi á morgun - ég er svo mikill rebell að ég hef ekkert mætt í tíma í vetur og er að fá það feitt í bakið núna újé!
e.s Ég er kannski ekki svo mikill rebell - ég var með undanþágu því ég er að sinna uppeldishlutverki mínu.
e.e.s En ég er samt ennþá ofur-mega-töff- mamma.
