Davíð Oddsson lét sig hverfa í beinni útsendingu!

,,Davíð Oddsson formaður Sjálfstæðisflokksins boðaði til blaðamannafundar kl. 15.15 í dag þar sem hann sýndi sitt magnaðasta bragð hingaðtil og lét sig hverfa í beinni útsendingu!
Atriðið hófst á því að Illugi Gunnarsson, aðstoðarmaður Davíðs, steig á stokk í smekklegum, fölbleikum samfestingi og sagaði sundur stjórnmálafræðinginn tilvonandi Gíslamartein Baldursson. Gíslimarteinn stóð þó upp heill, við lítinn fögnuð viðstaddra, en lofuðu menn þó frammistöðu Illuga, sem margt hefur lært af meistara sínum.
Þá var komið að aðalnúmerinu. Davíð settist hjá Loga Bergmanni Eiðssyni, að því er virtist í viðtal - en áður en Logi náði að bera upp fyrstu spurninguna hrópaði Davíð: „HÓKUSPÓKUS PÚFF!“ og hvarf samstundis í bláum reykjarmekki.
Enginn veit hvar Davíð er niðurkominn nú, en hann hefur sjálfur margsinnis sagst „ætla að toppa það duglega“ þegar hann lét Þorstein Pálsson hverfa fyrir nokkrum árum - en ekkert hefur spurst til Þorsteins síðan."

www.baggalutur.is

,,Atriðið hófst á því að Illugi Gunnarsson, aðstoðarmaður Davíðs, steig á stokk í smekklegum, fölbleikum samfestingi og sagaði sundur stjórnmálafræðinginn tilvonandi Gíslamartein Baldursson." -þessi partur er einkar athyglisverður, myndi alveg borga túkall fyrir þessa ásýnd!

(Ég bý heima hjá Illuga Gunnarssyni- svo að allir séu með á nótnunum)